القصيده والمجارات الفائزه بالمركز الاول باحدى المنتديات

بديت بسم اللي دحر كل شيطان
اللي جعل بيته بالارض وعمرها

ربّن كريمن خالق الانس والجان
سبحانـه اللي عالمن في قدرها

ابكتـب ابياتن جزيله لها شــان
واختار من زين القوافي بحرها

حب الوطن مذكور من حب الايمان
هذي حقيقة صدق كلّن خبرها

عندي صحاريها و لاجبال لبنــان
وعندي كتاد الشّوك كنّه زهرها

والله لومـاها غدى دبج يا فـلان
اغلـى عليّـه من عذوبـة نهرها

نصبر على حرّه ولوكــان نيران
ونصبرعلى برد الزّمان ودهرها

مانيب لامنافق ولا نيـب فسقــان
مما يجول بسوط قلبي ذكرهــا

هذا كلامـي وزايد الهـرج نقصان
وهذا الوطن تفداه عيني ونظرهـا

وصـلاة ربي عد ما هلّت امـزان
على نبيّن لــرّسـاله نشـرهـا

وهذه مجاراتي ..

انا لي حبيبن غايبن له ثـلاث سـنيـــن
حبيبن جماله فاق بالوصف حوريّه

عسى من يلومك يفقد الشّوف بالثّنتين
وانا مثلك امجرّب وعيني شقاويـــّه

وانا يارفيقي عوقي امورّد الخدّيــــن
ابوقذلتن هلّا وابوعيون سحريّـــه

نحيل الخصر هافى الحشا نابي الرّدفين
من اديارنا مرباه مهيب غربيــــه

ابصبر على بعده ولو حطّ بي جرحين
وانا خـابر المزيون نفسه هواويــّه

وهذه 4 الأبيات التي طلب مجاراتها ..

امانه معاكـم ياهـلَ السوبر اللـونيـن
امانـه معاكـم لاتعدونــه الميــة

غزالن نطحني من على كوبري البحرين
على بابــه الخلفي يناظر بحنيــه

غمزلي بعينه ثـم اشــر كحيل العيـن
مع السيــد الاخر متجه للسعوديـة

جمال الطبيعة جل من صوّره يا حسين
جمال الطبيعة في فتــاة الشمالــية

شكراً لكم ..