على اللمس

السلام عليكم

بدون مقدمات

الله على اللي بأرفع الأوسمة فاز ‪
‬ معه التعامل بالأصابع على اللمس
أحدث فنون التقنية وأخر طراز ‪
‬ إعلان سعره فالجرايد نشر أمس
غالي ثمن مشراه مهوب يراز ‪
‬ يشريه من لا يحسب حساب للخمس
عز الطلب مضمون في شكله إعجاز ‪
‬ ما فيه من عيب الصناعة ولا رمس
فل أوبشن الأوصاف ما شي يعتاز ‪
‬ حتى الفخامة حاز ميزاتها الخمس
هيبة حضور ونظرة كلها ألغاز ‪
‬ مع قو عزم وإتزان وجلى عمس
خشمه عكف في طلته يشبه الباز ‪
‬من يغمس المخلاب في صيدته غمس
رسمي ظهور بندرة اللون يمتاز ‪
‬لونه كما بن حرق لونه الحمس
محفوظ ما جا في جهازه تلعواز ‪
‬ إليا اشتغل حس اشتغاله تقل همس
ضد المساري جهزوا شمعته غاز ‪
‬ لا هود الليل اسطعت كنها الشمس
من سيف جده لا مشى عصير ثم ماز ‪
‬ الساحل الشرقي على ضفته يمس
الرنج روفر للمهمات نجاز ‪
‬ لو كان ما ودي بكذا أزعل الجمس
منوة خفوقي كان جا لز وملاز ‪
‬ إليا على الطارة رست قبضة الخمس