مير انا ادري ايه انا ادري ما بقى غير الكئآبه

مشتقي بالحب قلبي والليالي عذبنّي
كل ما امرحت ليلي مع حلومٍ يسعدنّي
مرني وضح النهار وطير الاحلام عني
{كن ليلي مع نهاري خرزتينٍ في قلاده)
لا بغيت اضحك وسولف وآتسلى وآتمنّع
عن همومٍ رافقتني ومنعتني لا تمتّع
زارني طيف الحبايب واستريّح ثم تربّع
{بين قلبي والحنايا حاملٍ بيده عتاده}
صورة اكفوفٍ كوتني سابحه وسط الهبايب
مع بقايا ذكرياتٍ ذكرها ماهوب غايب
واربع اوارق بكتنا تنثر انواع السكايب
{كيف ابهنى بعد هذا ياهلي فوق الوساده}
من رحل طيفه وقلبي تشتعل فيه الوقايد
والعيون المتعبه في هالفضى صارت شرايد
والمدامع المدامع لو وراها لي فوايد
{كان ردت صاحب لي يوم هلت في بعاده}
مير انا ادري ايه انا ادري ما بقى غير الكئآبه
والحسايف والكلايف والقلم ثم الكتابه
عن حبيب تل قلبي واحرمه لذه شبابه
{قلب شخصٍ راح عمره ماعرف درب السعاده}
بفتح الشباك ورفع راحتي لك يامعين
يامن ابأمر ه يهون كل جرحٍ مستكين
يامن ابنوره يقدّي حاير القلب الحزين
{تلطف ابقلبٍ تعنى ما تحقق له مراده}