الوات ساب

عزالله أنـّي ضايق الخاطر : ومليان إكتئـاب
................... ومحدن درا في ضيقتـي ( الا كثيرات الهدوم )


حتى بقيق اللي لها الفضل الكبير من العذاب
................... يضيق صدري منّها / وأضيق من نفسي وأقوم


ياوين دربك يالذهاب : اللي ينسّيني الإياب
.................. حتى لو أن دربك خراب / عج / ولواهيب / وسموم


والله مايبـري جـروح البـُعـد : ويطيب الصواب
.................. إلأ ( مقابل خشّته ) فـي كل وقت / وكل يوم



أحدن وصاله في حياتي شي / والفرقا خراب
................. وأحدن فراقـه يسعـد الخاطـر ( وياجعلـه يـدوم )


وأحدن تحسب أنّه خليل وتكتشف بأنه سراب
................ الحزن كـوم / وباقي الحاصـل من الغبنات : كـوم


في وقتها ياصاحبي ماينفعك ( أكل : وشراب )
............... ماينفعـك دام البـلا : ضيـق / ومقاديـر / وهمـوم


الحُب ( آفة مجتمع ) ماقد حسبتلها حساب
............... لا عقـل / لاتفكيـر / لا راحـه / ولايهنـاك نـوم


أدري بـ أن اللي ذبح بعض العشاشيق ( الغياب )
............... وتدري بـ أن اللي ذبحنـي شي من ( طبـع الرخـوم )


ياصاحبي بابً قفلته : جيتنـي ( وفتحت باب )
............... الله يرحـم شايبـك / أقلـط : وشل منـّـي همـوم


ماعندي إلأ مجلسي / وجمعة شباب / ووات ساب
............... ( واللـه يكثــّر خيرهـم / ويكثـّر عيـااااال القـروم )