جلَّل ظلام الليل

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,
جلل ظلام الليل روس المبادي
من ظلمته روس المبادي غدن سود

ثم ابتدى ليلي وحضَّر سهادي
وغنى سهر ليلي على الناي والعود

لا ياغريب الروح لا وين غادي
كنك معا ليل التهاميم موعود

ما ناح من لبَّاسة الريش شادي
من فوق غصنن لاعبه هادي النود

إلا ويبدي لك من الدمع حادي
وهم(ن) يتك النفس بالصدر مرجود

يا مسيِّلن من رهف الاحساس وادي
سيلك ترادم قضّ في دربه سدود

يا متيِّه(ن) م الضاد بالقاف ضادي
وش لك بخل(ن) من سواياك مضهود

يا منيتي دنياك فيها عوادي
تغيِّب لخل(ن) عقب ما كان موجود

يا ابيض الذكرى بعالم سوادي
الحال والله بين شاهد ومشهود

اسكب بوسط البيت صارخ ودادي
وصارخ ودادي عاد م الولف مردود

يوم المطايا قاف فوقه شدادي
بيوتن خلت ياصاح من كل منقود

حبري لها ياحلو من عين كادي
مع دم معلوقن على حبرها زود

يوم ان كل(ن) م المواليف جادي
ولا لك الله شفت يا منيتي جود
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,